Delhi cabinet: Auto-Taxi drivers ke Rs 5,000 motob junaishe

New Delhi: Friday din te Aam Aadmi Party (AAP)-led Delhi government para national capital te bemari para manuh laga jevan besi dukh hoi thaka nemite auto-taxi drivers logot financial assistance scheme of Rs 5,000 thiboli manishe koishe. Etu oper te kaun gari te PSV badges aro permit holders ase tai khan logot be Rs 5,000 financial motob thiboli janaishe. 2020 saal te be lockdown thaka samai, 1.56 lakh auto aro taxi drivers khan logot financial motob korikena ase koishe. Delhi government para koishe ke, 2020 plan hesab te etu scheme nemite reapply koriboli nalaki. Local bodies para verification kora beche Rs 5,000 toh manuh khan laga bank accounts te Aadhar card linked hoikena thaka te direct transferred koribo. Etu samai, Friday din National Capital te notun Covid-19 cases toh 8,506 thurishe, April 10 darik beche etu sobse komti thura ase aro hotai din laga positivity rate toh 24 gonda pithor te 12.40 per cent te lamishe, koikena Delhi government laga hotai health bulletin hesab te janaishe. Olop din hoishe ke, national capital te Covid halat toh olop bhal hoishe aro osor jaga te be bhal hoi thaka sign ase koishe.  Thursday din Delhi te 10,489 notun cases paishe, Wednesday din te 13,287, Tuesday din te 12,481, Monday din te 12,651, Sunday din te 13,336 aro Saturday din te 17,364 notun cases thakishe koishe. Delhi te aro 24 gonda pithor te 54,042 RT-PCR tests loishe aro 14,533 Rapid Antigen tests loikena ase. Etu oper national capital te besi din thaka beche hotai din manuh mora khobor toh 300-mark te lamishe. Friday dib Delhi te 289 manuh mora khobor paishe aro Friday din te 289 khobor thakishe, etu sob melaikena 20,907 manuh morikena ase. Thursday din Delhi te 308 manuh mora khobor thakishe, Wednesday te 300, Tuesday te 347, Monday te 319, Sunday te 273 aro Saturday din te 332 mora khobor thakishe.