NEW DELHI: Agi Supreme Court koishe Muzaffarpur shelter home sexual assault case toh Bihar para New Delhi court te transfer kuribole ase. Supreme Court para state government ke orphaned nohoile bhi risk te thaka bacha khan opor te bhal management facilities na thaka nimite hatai dishe.
A bench, headed by Chief Justice Ranjan Gogoi para head kura bench koishe cases toh Bihar CBI court para Saket trail court te transfer kuribole lagay koishe. Court te dui hafta bhitor te bahca khan opor te huwa sexual assult cases toh hunibole asse.
Supreme court para Saket trial court ke cases toh choi moina bhitor te khotom kuribole order dishe.
Officer khun etu sexual assult case toh investigate kuri thakishe. Etu ke CBI para transfer kuri dishe. Etu nimite Top court para CBI ke tai khan laga etu action nimite biya koishe. Aro Top court koishe ke CBI laga etu action toh top court laga order laga khilaf te ase.
Bench para investigating agency ke tai khan laga decision toh affidavit ffile kuri kena explain kuribole koishe.
Top Court para Bihar state government ke koishe “enough is enough” bacha khan ke toh enika nochulabi. Upni khan laga officers khan ke toh bahca khan ke enika treat nokuribole lagay. Bacha khan ke toh chari dibi.
Judi state sob informations dibole fail kurile toh top court para chief secretary ke summon kuribo koishe.
Bishi saal para Muzaffarpur te thaka NGO para chola shelter home te bishi chukuri khan ke rape aro sexual assult kuri thakishe.
Etu scandal toh jua saal May te ujala te ahishe. Etu toh Tata Institute of Social Sciences (TISS) para etu opor te khobor kuri diya pichete hoishe.
Add Comment