NONGPOH | March 09: Meghalaya government pora Saturday te besi deri rukhiya Ri Bhoi district laga Umling te entry-exit point bonaibole laga jakka fesla korise.
“Jaach koriya bicchete, moi khan pora check points aro felicitation centre bonaibo jakka nimite fesla korise. Etu bona pora state laga bithor te illegal immigrants khusa ke rukhaibo,” Chief Minister Conrad K Sangma pora koise.
Urban Affairs Minister, Hamlet Dohling, Transport Minister, Sniawbhalang Dhar aro Home Minister, James Sangma logote Chief Minister toh Saturday te Ri Bhoi district te entry-exit point bonaibole laga jakka te jaach korise.
Etu khobor korise ki maati toh transport department laga thakise aro etu toh facilitation centre/entry-exit point bonaibo nimite dise.
“Etu kam toh ahiya mohoina pora shuru koribo. Project khotom koribo laga mamla te, konoba samoy lobo kile koile besi kam milai kena ase hoilebi basic infrastructure toh khata samoy te bonaibo,” Conrad pora koise.
Etu facilitation centre bonaibole konoba samoy laagibo, hoilebi, entry-exit point bonaibole besi samoy nalobo laage, CM pora koise.
Chief Minister pora etu bi khobor korise ki state government pora Ri Bhoi te entry-exit point bonaibo nimite jowa konoba mohoina karne maati bisari thakise aro etu samoy te, etu kam nimite Transport Department laga maati paise.
“Etiu toh kam koribole laga kotha thakise aro etu nimite government pora bi besi poisa pajaikena rakhibole parise. Etu pora etu toh bhal kadam ase,” Conrad pora etu bi milaikena koise ki government pora PWD department ke etu jakka design korikena shuru koribole iccha dise.
Etu samoy te, Urban Affairs Minister, Hamlet Dohling pora khobor korise ki government toh etu project khotom koribole maksat ase aro tai khan pora etu kam juliya ke thik samoy te khotom koribo nimite bhal pora jaach korikena sabo.
“Moi khan pora wada kori ase ki etu kam toh joldi khotom hobo aro illegal immigrants besi ahiya laga diktari toh besi gomti koridibo,” Dohling pora koise.
Add Comment