Gyderabad, March 10: Telangana jaga laga Congress nemide ektum dekthari ase. Kelay koile senior leader aro legislator Sabhitha Indra Reddy toh rulling Telangana Rashtra Smithi (TRS) deh join hobo nesana ase. Hyderabad, Ranga Reddy district deh main leaders para Sunday din TRS Working President K. T. Rama Rao logode matha thakise. Meeting toh Majlis-e-Ittehadul Muslimeen, (MIM) chief Asduddin Owaisi laga resident deh lowah thakise. Y.S. Rajasekhara Reddy’s cabinet deh Home Minister nemide thaga Savitha Reddy para demand kora toh, tai nohoile tai laga bacha P. Karthik Reddy toh Chevella Lok Savha seat deh contest koribo. Tai laga demand deh final decision toh Chief Minister aro TRS President K. Chandrashekar Rao para lobole ase.
December 7 election time deh Reddy ke toh Maheswaram Assembly constituency para juna thakise. Hoilebe tai laga bacha ke Rajendranagar constituency para ticket napowah nemide Congress chara thakise. Etu para party toh alliance partner, Telugu Desam Party (TDP) para chara thakise.
Opposition party’s tally, 119-members Assembly deh 16 para manishe. Saturday din Congress President Rahul Gandhi toh Chevalla constituency jaga deh public meeting thaga time deh kotha kora thakise. 2014 electons time deh Chevella para TRS ticket paikena juna Vishweshwar Reddy toh Assembly elections nahowah agae deh Congress join hoise. Saturday din eki constituency jaga deh Rama Rao para be TRS workers khan logode meeting lowah thakise.
Add Comment