Pune, 9 April : Indian mahila laga tennis team Tuesday din Billie Jean King Cup laga group-stage match te New Zealand logot 1-2 para hara gol.
Asia-Oceania Group 1 te khel thaka India laga team ekta bhal shuruat kurise, jitia Shrivalli Bhamidipaty ekdom dominating performance di, Aishi Das ke 6-1 6-1 para harai disey aru India ke early lead di disey.
Kintu etu upor para New Zealand wapas strong hoi ahise. Dusra singles match te Sahaja Yamalapalli, Lulu Sun laga experience logot match kuribo nuparile aru 3-6 3-6 para hara gol.
Last te decisive doubles match te India laga experienced juti Ankita Raina aru Prarthana Thombare, New Zealand laga Lulu Sun aru Monique Barry logot 3-6 4-6 para hara gol, aru etu logot New Zealand ke pura match jitai dise.
India laga next group match Wednesday din Thailand logot hobo.
Add Comment