New Delhi, 24 April : Delhi Golf Club (DGC) etu saal te DP World Tour laga ekta dangor tournament host koribo, juntu India te khela jai thaka sab se mahanga golf tournament hobo. Tournament laga naam ase DP World India Championship, aru etu laga prize money hobo $4 million. January mahina te HT report korise ki etu tournament te paanch bar Major jitise Rory McIlroy India te debut koribo pare — aru etu possibility etiya bhi khotom nohoy.
Tournament October 16 pora 19 tak khela hobo, Gary Player design kora course te, aru etu Professional Golf Tour of India (PGTI) logot milike organize kora hobo. Etu hobo 2025 Race to Dubai laga “Back 9” phase te aat number laga event, aru season-end DP World Tour Play-Offs aru final te — DP World Tour Championship Dubai te — reach koribo direction te hobo.
Etu tournament DGC te DP World Tour laga comeback mark koribo, 2016 pora etiya first time. 2019 te Gary Player pora renovation hobo pora, club doita DGC Open (2022 aru 2023) host korise, kintu Asian Tour laga itu tournament etiya back nahoy.
January mahina te DGC aru DP World Tour ekta MoU sign korise, juntu time DP World Tour laga Chief Tournament Business Officer, Ben Cowen, Delhi ahise. McIlroy — jun tu 2025 Masters playoff te Justin Rose logot jiti se — etu tournament te khelibo expect kora ase. Hero Indian Open laga recent winners Eugenio Chacarra (2025) aru Keita Nakajima (2024) bhi tee-off koribo expect kora ase.
DP World India Championship etu saal te India laga third high-profile men’s golf event hobo. Etu pichite thakibo Asian Tour aru LIV Golf-funded $2 million laga International Series, aru last month te khela DP World Tour laga Hero Indian Open, jun tu $2.25 million prize money thakise.
Add Comment