London, 7 November : Hollywood actors Robert Pattinson aru Nicholas Hoult next James Bond character play koribole screen test dise kuina reports ulai ase. November 7 te publish hua report hisab te, duijon British actor October 24 weekend te London te screen test korise. Daniel Craig 2021 te No Time to Die pichete James Bond role diya pichete, next 007 actor kun hobo itu loi fans majete speculation chali ase. Robert Pattinson Twilight aru The Batman laga role karone famous, aru Nicholas Hoult X-Men franchise aru Superman te Lex Luthor role karone known ase. Dui actor bhi already dangor superhero franchise logot connected ase. James Bond laga 26th film Denis Villeneuve direct koribo, aru screenplay Steven Knight likhibo. Amazon MGM Studios etiya casting report upor te official confirmation diya nai. Callum Turner, Josh O’Connor aru Jack Lowden laga naam bhi potential candidates hisab te ulai ase.
Robert Pattinson aru Nicholas Hoult next James Bond role karone screen test dise
