March 16, 2024: Democracy laka sobse dangor festival ahi shae, Prime Minister Narendra Modi para Saturday din deh kui shae Election Commission of India (EIC) para 2024 Lok Sabha election laka dates announce kura piche deh.
“Mukan, BJP-NDA ([Bharatiya Janata Party- Nation Democratic Alliance] election karne pura ready ase. Mukan lah Good governance aro service delivery laka track record deh jai ase manu kan keh,” Modi para kui shae,
Saturday din deh ECI para election dates announce kuri shae kuto satha phases karne lubo leh ase, April 19 para shuru kuri nah June 1 tak. Andhra Pradesh, Sikkim, Arunachal Pradesh aro Odisha assemblies karne balloting tho April 19 aro May 13 deh lubo leh ase.
BJP-led government tho aro ekbar government form kuri bo kui nah confidence dikai shae Modi para. Tai para etu kui shae,” 3rd consecutive time karne 140 crore kandan manu laka aro 96 crore upor voters laka pura affection aro blessing babo leh mui full confidence ase.”
“Mui clear para diki bo pareh, aha pas sal tho mukan laka collective resolve lah period taki bo kui nah. Kuteh makan aha ek hazar sal karne India laka development journey karne roadmap bana bo.”
Add Comment