Marach 14, 2024: 13th March 2024 deh Chief Minister, Nagaland, Neiphiu Rio, Vice Chairman, Niti Aayong, Suman Kumar Bery lokot milai nah Forest Colony, Dimapur deh Integrated Business Hub & Invocation Centre (IBHIC) inaugurate kuri shae. Taikan etu Deputy Chief Minister, T.R Zealing aro Advisor to CM and chairman, Investment & Development Authority of Nagaland, Abu Metha laka presence deh kui shae.
Taila keynote address deh Chief Minister, Neiphiu Rio para Naga entrepreneurs, innovators aro youths kan karne etu facility para opportunities aro platforms kan bana bo kui shae. Rio para tai hopeful ase kui shae hub tho youths kan laka energy aro ambitions kan reflect kuri bo kui nah. Rio para mukan innovation, entrepreneurship aro investment keh embrace kuri bole lakeh kui shae. Aro etu laka vision deh, government para Integrated Business Hub keh ani di shae. Etu hub tho ekta dynamic platform ase investors, start-ups aro entrepreneurs kan keh support aro facilitate kuri bole. Rio para initiative laka focus tho administrative procedures streamline kuri bo karne ase kui shae aro investors kan keh phat support dibo karne ase kui shae.
Rio para priority tho Start-ups, entrepreneurs aro investors kan keh dibo kui shae kun kan Nagaland deh invest kuri bole mun jai. Aro government para local talent aro investors laka majo deh collaborations encourage kureh kui shae innovation promote kuri bo karne. CM para IDAN aro alak relevant government departments kan para investors kan karne seamless transition ensure kuri bo kui shae permanent location deh. Aro legal assistance nishi nah essential support services kan dibo kui shae.
Rio para etu piche deh investors aro companies kan keh taila thanks di shae Nagaland laka economic growth deh interest dia karne aro sob stakeholders kan keh urge kuri shae Nagaland keh ekta magnet bana bole investment, innovation aro economic growth karne.
Dr. Chintan Vaishnav Mission Director, Atal Innovation Mission (AIM), NITI Aayog, para taila short speech deh, hub laka opening tho Nagaland karne ekta dangor step ase kui shae aro teen sal deh Nagaland tho startup deh bishi uthi bo kui nahy project kuri ase kui shae. Tai para aro ekta single startup para pastha jobs ban abo kui shae. Tai para aro Naga maike kan keh applaud kuri shae 47% Start-ups kan tho maike para lead kuri ase kui nah.
Suman Kumar Bery Vice Chairman, NITI Aayog para NITI Ayog, Nagaland keh bishi moto kuri shae kui shae alak alak building program implement kuri bole. Tai para hub tho ekta catalyst nishi nah act kuri bo kui shae aro innovators, entrepreneurs kan karne opportunities kan ban abo kui shae. Hub para sustainable development ani bo kui shae tai para.
Deputy Chief Minister, T.R Zealing para Dimapur deh Integrated Business Hub and Innovation Centre (IBHIC) laka inauguration tho ekta dangor milestones mark kure kui shae Nagaland laka economic aro innovative transformation laka journey deh. Tai para IBHIC nishi nah initiatives kan kula tho innovation, sustainability aro entrepreneurship foster kuri bo kui shae. Zealing para State kan aspiring entrepreneurs kan keh necessary tools, resources aro guidance dibo leh aim kuri ase kui shae.
Inaugural function time deh satha projects kan launch kuri shae, satha projects kan tho etu kan ae: Intellectual Property Facilitation Centre (IPFC); Capacity Building Training for NGOs by CII; Innovation and Start-up Training for Entrepreneurs; Start-ups Podcast initiative; Launch of SCK, Dimapur; Entrepreneurs Networking Station and Education & Skill Loan Facilitation Centre aro chartha Memorandum if Understanding (moU0 sign kuri shae, namely: Tandem Global Consulting Pvt Ltd and Government of Nagaland; Emporium Training & Consultancy Private Limited, powered by Eagle Crest Training Academy & Consultancy, Vikiye Colony and Investment & Development Authority of Nagaland; IDAN and SBI for Education loan, skill development loan and entrepreneurs loan, and My start up TV with Hills FM and IDAN for establishment of media project in Nagaland.
Program tho Development Commissioner Nagaland, R. Ramakrishnan, IAS para chair kuri sha, Vote of Thanks tho Joint Secretary, IDAN Reny Wilfred IAS para pronounce krui shae. Dedicatory prayer tho Rev. Dr. Wati Aier para pronounced krui shae.
(I.Tiakumla AI, IA Dimapur)
Add Comment