NEW DELHI: Friday din te Supreme Court para CBI para ekdam dangor khulasa (revelation) kurishe. Brajesh Thakur aro dusra manu khan meli kena 11 chukuri khan laga hatya kuri dishe. Aro chukuri khan laga hardi khan toh manu khan ruba (bury) jaga para paishe. Etu notun kotha toh Muzaffarpur shelter home sexual abuse case laga ase.
Top court te affidavit file kura hesab te CBI khan koishe ke puchtach kuri kena janishe ke Brajesh Thakur aro tai laga saathi khan para 11 chukuri khan ke murai dishe.
Agency koishe ekta aparadhi ke sawal kura samay te chukuri khan ke ruba jaga te paishe aro mati kunda para chukuri khan laga hardi khan toh paishe.
Bihar, Muzaffarpur te NGO para chola shelter home te bishi chukuri khan opor te balatkar kurishe aro bishi dikdar diya nimite ase. Tata Institute of Social Sciences (TISS) para khobor kura nimite etu kotha toh janibole parishe.
Etu case opor te CBI para puchtach kurishe. Aro agency para 21 manu khan opor te chargesheet file kurishe. Etu te Brajesh Thakur bhi ase.
CBI koishe ke puchtach kura samay te IOs (investigating officers) aro NIMHANS (National Institute of Mental Health and Neuro-Sciences) team para victims khan laga kotha toh record kurishe. Etu te aparadhi Brajesh Thakur aro tai laga saathi khan para hatya kura 11 chukuri khan laga naam khan toh bahar ahishe.
Add Comment