Sunday din Bhopal district returning officer para Bharatiya Janata Party candidate aro terror-accused Pragya Singh Thakur logode fresh notice dese, Kelay koile Election Commission para tai logode campaign nalobole ban kora bechidebe lowah karni.
May 1 direk poll panel para Thakur logode 72 hours nemide campaign nalobole ban korise aro etu toh May 2 deh 6 am para suru korikena.
Tai logode notice deya toh Congress para Thakur toh kanoon mananai koikena complain kora bechide ase. 72-hour ban time deh Thakur toh temple to temple jaikena campaign kora thakishe.
Election officer para Thakur logode kanoon kelay namanai jawab debole tui-din samai dese. Ban bechide tai toh Sunday din Bhopal deh poll campaign suru korishe.
Fresh notice deh Thakur para jawab deh toh, “Ami toh seer ase. Ami laga jevaan toh temples, prayer, spirituality, national walfare aro cow protection nemide he ase. Ami logode kon para rokhai ase, apuni nejor laga jeveen opor debe bhabona kori sabo lagi”.
Election Commission laga notice toh May 1 direh ahhaise. Etu toh Thakur para purana Maharashtra Anti-Terrorism Squad chief Hemant Karkare opor deh kushi napowah kotha kowah nemide ase.
Poll body para Thakur logode ektum gara para kelaaf korikena aro enaga galdi nakoribole koishe. Police logode etu BJP leader opor deh kelaaf korikena First Information Report file kuribole koishe.
Add Comment