Agencies: Reuters Thursday te khobor kurishe ke Brazilian President Jair Bolsonaro laga national security adviser koishe Israel te thaka Brazil embassy toh Jerusalem te puthabole echa ase. Hoile bhi logistical considerations nimite napara ase koishe.
Retired Army General Augusto Heleno, Bolsonaro laga security te thaka top adviser on security para etu opor te bishi kotha kura nai. Hoile bhi desh laga powrful agriculture sector Brazil embassy toh Tel Aviv para hatabole ekdam mana kuri ase. Etu mana kora nimite Arab desh khan toh bishi biya pai ase. Hodai saal Arab desh khan Brazil para halal(permissible) mangso(meat) kine. Etu mangso khan laga kimat toh billions dollars laga hesab te ase.
Thursday te Bolsonaro para Roberto Azevedo laga head ke alak para lok kurishe. Roberto Azevedo toh World Trade Organization laga head ase. Bolsonaro koishe Brazil laga notun government para globalism ke biya kuwa kotha toh bishi desh para bhi share kurishe. Trase body bhi change kuri ase koishe.
Azevedo aro Bolsonaro lok kurishe. Etu meeting toh Brazil laga notun Foreign Minister Ernesto Araujo para globalism ke ekdam biya kuwa pichete ase. Ernesto Araujo koishe ke tai thaka samay te desh toh multilateral institutions te change nimite larai kuribo.
Azevedo koishe Araujo laga kotha te eku threat nai.
Azevedo koishe Araujo kuwa kotha toh threat nohoi kena etiya ke hoi ase etu nimite bishi propitious aro compatible ase. Azevedo etu kotha toh Bolsonaro logote meeting kora pichete koishe. World Trade Organization nijay he reforms anibole process kura suru kuri ase.
Bolsonaro toh US President Donald Trump ke kushi pai. Bolsonaro united States aro Israel logote rishta aro deep aro bhal kurishe.
Israeli Prime Minister Benjamin Netanyahu Brazil te Bolsonaro laga January 1 inauguration nimite jaishe. Tai khan lok kora pichete Netanyahu koishe ke Bolsonaro para Netanyahu ke koishe ke embassy move kuribole laga kotha toh “Kitya” laga nohoi hoile bhi “Judi” laga ase.
Thursday te Security adviser Heleno koishe etu hubole echa thaka toh clear ase. Hoile bhi etiya tok eku decision banai koishe.
Add Comment