MANILA: Sunday te authorities khan koishe Philippines te aha toofan para mura manu khan laga list toh aro uthishe. Etu climb toh Christmas din pichete 126 te uthishe. Khobor pa hesab te landslides aro torrential baris toh main cause ase koishe.
Regional disaster officials koishe toofan toh central aro eastern Philippine islands te December 29 te ahishe. Etu nimite bishi flood aro landslides hoishe. Etu ghatna te Manali laga Bicol region te ekso opor manu murishe . Bicol jaga toh pahari jaga ase.
Civil defence officials koishe Bicol region toh bishi bar khatarnak typhoons para mari thake. Bishi manu khan toh toofan para bachibole necessary precautions khan lubole napara hoishe. Kile koile government storm alert system para aha toofan toh eman strong thaka rate kuribole para nai.
Officials aro koishe Christmas chute huwa nimite bishi manu khan toh jaga charibole echa huwa nai.
National disaster agency spokesman Edgar Posadas AFP ke koishe dui din ekla te Usman Bicol jaga te moina pura genika laga pani gerishe.
Ami khan search aro retrieval operations toh cholai kena jai ase hoile bhi geila mati aro unstable soil ami khan karne bishi challenging ase.
Posada koishe manu mura laga list toh aro 26 manu te uthibo pare. Etu 26 manu khan toh etiya bhi harai kena ase.
National disaster agency khobor hesab te 152,000 opor manu khan etu toofan para displace hoi kena ase. aro 75 manu genika jokom hoishe.
President Rodrigo Duterte Friday te toofan mara jag ate visit kurishe aro officials khan ke evacuations centres banabole koishe aro schools khan toh khali kuribole janaishe.
Hodai saal 20 typhoons aro storms genika Philippines te mari thake. Etu toofan aro typhoon te hodai ekso opor manu khan mure.
2013 te central Philippines te sob para khatar nak Super Typhoon Haiyan ahishe. Etu toofan para 7,360 manu murishe aro bishi manu khan haraishe.
Add Comment