RIO DE JANEIRO:
Officials koishe police aro robbers firing te baro(12) manu murishe. Etu robbers khan Milagres town laga duita bank te hamla koribole thakishe. Barota(12) manu mura te pachta(5) hostages thakishe. Etu ghatna toh Friday northeast Brazil te hoishe.
Folha de Sao Paulo newspaper koishe etu pachta(5) hostages toh same family para thakishe, etu te duita bacha aro local mayor Lielson Landim thakishe. Hostages khan osor te thaka airport para gurai kena ahi thakishe etu samay te robbers para tai khan ke uthaishe.
Ceara state laga Secretary for security Andre Costa statement te koishe murija manu khan toh kun thakishe aro mura laga circumstances toh ke thakishe. etu opor te investigation kuri ase. Costa kuwa nai guli para hostages murishe. Landim koishe age laga information hesab te criminals para hostages ke muraishe aro police para criminals ke muraishe.
Costa’s office hesab te duita suspects ke arrest kurishe.
Costa’s office koishe ekdam heavily armed group town te bishi fuzur(morning te ahishe. Etu armed group toh town centre te jaishe. Armed groups toh biya kaam koribole try kurishe. Police aro robbers khan majote firing hoishe.
Choita(6) gang members murishe aro dusra choita(6) manu gunshots te murishe.
12th victim laga identity toh immediately clear nai.
Alag alag hatiyar aro explosives aro teenta(three) gari recover kurishe.
Add Comment