BEIJING:
State media koishe China para 2:23am Saturaday te rover launch kurishe. Etu rover toh moon laga far side te land koribole destined korishe. Etu toh duniya laga first ase. Etu launch toh Beijing laga space superpower hobole laga ambition boost koribo karne ase.
Official Xinhua news agency koishe Chang’e-4 lunar probe mission toh Chinese mythology laga moon goddess laga naam para dishe. Etu mission toh Long March 3B rocket para southwestern Xichang launch centre para launch kurishe.
Chang’e-4 mission toh New Year majote land koribole expect kuri ase. Etu mission toh experiments aro untrodden terrain survey korigbo karne ase.
Mission chief commander He Rongwei toh China Aerospace Science aro Technology Corp laga main state-owned space contractor ase. He rongwei koishe Chang’e-4 toh humanity laga first probe ase moon laga dur side te land aro explore kuribole.
Moon laga near side toh “tidally locked” ase aro hodai earth side te sai. Etu near side toh touch down nimite bishi flat jaga ase. Far side toh mountainous aro rugged ase.
1959 te Soviet Union para moon laga far side laga first image capture kurishe.
Lander nohoi le bhi rover kitiya bhi etu far side laga surface touch kura nai. Etu para china ke first nation etu jaga explore koribo laga position te rakhide.
Add Comment