MOSCOW, RUSSIA:
Monday te Russian court koishe 56 murders te former policeman laga haat ase. Etu policeman toh 22 maiki ke mura nimite already jail te life sentence te ase. etu manu toh Russia laga most prolific serial killer hoishe.
Irkutsk regional prosecutor office koishe Irkutsk Siberian city laga court para Mikhail Popkov ke 56 manu case te haat ase koishe. Etu 56 manu ke 1992 para 2007 majote muraishe.”
Prosecutors koishe Popkov toh manu murabole attrack huwa bimar ase. Popkov dosta(10) manu ke rape kura te bhi involve ase koishe.
Popkov second life sentence paishe. Popkov already life sentence te thakishe. Tai ex-policeman pension para bhi hataishe.
Interfax news agency khobor kurishe Popkov 2015 te 22 maiki ke mura te haat thaka paishe. Popkov piche te 59 aro murders kura confess kurishe. Popkov ke Monday te 56 murders karne jail dishe. Investigators teenta(3) murder prove koribo para nai.
Popkov victims khan ke rati te ride de kena murai de. Kitiyaba off duty te tai laga police gari para bhi ride di kena murai. Etu toh Popkov laga home city Angarsk, Irkutsk osor te.
Add Comment