Agencies, 07 September: Batswoman Bridget Patterson para Women’s Big Bash League (WBBL) franchise Adelaide Strikers logode notun deal sign korise aro tai team logode next tin sal nemide thakibo.
Patterson toh first edition samai para Strikers logode ase aro tai toh 1,117 runs para sobse besi runscorer te ase. 26 sal khelari Strikers nemide 73 par olabole chance thaka te 71 par olaise aro Megan Schutt aro Amanda-Jade Wellington logode record share korise.
Right-hander para WBBL 05 te 319 runs score korise. Etu te captain Suzie Bates logode 96-run partnership be melikena.
Patterson para Srikers nejode jowa hapta join hoise. Aro Sarah Coyte, Alex Price, Tegan McPharlin, Ellie Falconer, aro Annie O’Neil khan sob WBBL 6 nemide confirm korise.
Pura tournament toh Sydney te khelibole ase aro October 25 direk para suru korikena total 59 matches khelibole ase.Etu sak Strikers squad te Suzie Bates (c) (NZ), Megan Schutt (Aus), Tahlia McGrath (Aus), Laura Wolvaardt (SA), Darcie Brown, Sarah Coyte, Ellie Falconer, Tegan McPharlin, Annie O’Neil, Bridget Patterson, Alex Price aro Amanda-Jade Wellington ase.
Add Comment