Agencies, 06 September: World championship silver-medallist wrestler Deepak Punia toh hospital para olaise aro tai ke home isolation thakibole samjaishe. Deepak ke toh national camp te ponja samai COVID-19 nemide positive powa thakise.
Olympic-bound Punia (86kg) ke charikena tusara wrestlers Navin (65kg) aro Krishan (125kg) ke be pandemic nemide positive ola thakise.
Sob tinta toh SAI Centre, Sonepat te national camp laga part ase. Aro tai khan toh quarantine te thaki ase. Sports Authority of India para tweet te koise, “Wrestler Deepak Punia ke toh National Camp, Sonepat te ponja time te SAI para test deya thakise aro hospital te thakise. Etiya tai ke home quarantine te thakibole doctors para samjaishe kelay koile tai laga halat toh thek para thaka nemide aro asymptomatic thaka nemide. Tai khor te thakibole nemide toh District Cov id Nodal Officer para approved korise”.
Protocol hisaab te, sob wrestlers logode coaches aro support staff ke toh RT-PCR test para mandatory test korise. Etu toh tai khan aha samai COVID-19 ase janibo na nai test korise.
Sob wrestlers toh camp nemide September 1 para jama howa thakise. Etu agae te Asian aro Commonwealth Games champion Vinesh Phogat toh Tokyo Olympics nemide qualified howa ekala Indian maike wrestler thakise aro last hapta national sports award ceremony agae te tai ke positive test olaise. Tai toh ceremony te Khel Ratna receive koribole thaka ase. Etu bechide tai para tweet te tai toh b emari para phal hoise aro tai ke be tui par negative test olaise koise.
Add Comment