Britain Airport te Indian flights mana korishe

April 22, 2021. Britain’s Heathrow Airport para India laga extra flights jolaboli mana korishe. India te COVID-19 cases besi othi-thaka nemite Britain’s “red-list” te India laga nam samil hoikena ase, koikena Wednesday din airport authority para janai thishe. Britain para etu fesla lowa toh hoile, India te coronavirus variant toh 100 cases oper thura nemite ase koikena Monday din Health Minister Matt Hancock para jaikena thakishe. “ami khan etu kam koriboli dukh ase hoilebi Indai ke Red List te rakiboli fesla korishe. Etu fesla te, kaun UK, Irish aro British citizen nahoi, aro tai khan India te 10 din akhe para bohi thakishe koile etu manuh khan UK te ahiboli naparibo,” koikena Hancock para parliament te janaishe. Heathrow Airport para India para extra flights ahiboli mana kora khobor toh olop din akhe te BBC para janaishe. Airport authority para Reuters logot koishe ke, passengers khan ke border te jamila thiboli mon nathaka para ase koishe. India toh itya coronavirus nemite besi bapana ase aro health system beya hoi ase. Prime Minister Narendra Modi para Tuesday din national address samai koishe, 2,95,041 notun coronavirus bemari cases thurishe aro etu India te ek din pithor te sobse besi cases thakishe aro etu oper te hospital manuh para purta hoishe. Bemari soruh howa beche India te 2,023 manuh mora sobse besi thakishe. Wednesday din Maharashtra laga Nashik district te oxygen supply nathaka nemite 24 manuh morishe. India te gas komti howa nemite bemari cases toh besi othi ase koishe.