Tripura, 21 May : Tripura Border Security Force (BSF) May 20 tarik te South district te alag-alag tinta operation te milai kene, karibah Rs 1 crore laga contraband items aru cattle seize aru rescue kurise.
BSF official khan laga hisab te, prothom operation Hrishyamukh Police Station logot milai kene BOP Nalua laga jawan khan pora Abhaynagar gaon te chalaisey, junte Rs 78 lakhs laga kapor item seize kurise.
Dusra operation te, BOP Srinagar laga BSF jawan khan aru Srinagar Police Station logot milai kene Srinagar gaon pora Rs 19 lakhs laga alag-alag item seize kurise.
Aru ekta tisra, independent operation bhi oi din te cholaisey, junte Sabroom Police Station laga under te thaka Bhangamura area pora BSF laga jawan khan 31ta cattle rescue kurise, juntu laga total value Rs 7.7 lakhs ase.
Add Comment