Kazan: Maisnam Meiraba Luwang aro Tasnim Mir pora Tuesday te BWF World Junior Mixed Team Championships laga Group E second match te 4-1 pora Australia khan ke harai di kena India ke lead te rakhi dise. Opening match te, Goa’s Tanisha Crasto aro Chattisgarh’s Ishaan Bhatnagar duijun phal pora khili kena ja dhakise, aro Australia laga Jack Yu aro Kaitlyn Ea ke 21-17, 20-22, 21-11 proa harai di kena India khan ke din laga pohila point bonai dise.
Junior world no 10 Meiraba etu biche te Australia’s Rio Agustino ke 21-17, 21-11 pora harai di kena India ke din laga second point bonai dise. Manipur youngster pora tai Russian Junior White Nights 2019 title chitiya aro India Junior International 2019 te runner-up laga tagot bura olai kena khilise.
Girls’ singles te, Dubai Junior International Series te duita gold chiti kena ahiya Gujarat’s Tasnim Mir pora 21-11, 21-15 te Angela Yu ke harai di kena India khan karne 3-0 lead te rakhi dise.
Manipur pair Manjit Singh Khwairakpam aro Dingku Singh Konthoujam duijun etu biche te wapas ahi kena second game te Ricky Tang aro Otto Xing De Zhao ke 17-21, 21-8. 21-14 pora harai dise.
Aditi Bhatt aro Tanisha Crasto duijun Victoria He aro Angela Yu ke 17-21, 21-18, 15-21 women’s doubles te harise.
India pora Armenia te 5-0 pora ektam sabha kurise tai khan laga campaign 4-1 pora USA ke harai di kena suru kuriya biche te. Wednesday laga tai khan laga final group assignment te, India khan Japanese logot te log kurbo, aro Japanese khan bhi etya tal te duita match khiliya pora ekta point bhi nakiri kena ahi ase.
Add Comment