Mokokchung: 1st October 2019 te Mokokchung District Football Association (MDFA) Trophy 2019 laga opening ceremony toh Minister, Soil & Water Conservation, Geology & Mining, Govt. of Nagaland, V. Kashiho Sangtam khan pora suru kurise Imkongmeren Sports Complex, Mokokchung te.
Minister pora tai laga kodha te organizer khan ke Nagaland laga young player khan karne tai khan laga talent ke dekhai dibole enika Trophy hotai sal dhakiya karne khushi kodha janaishe. Tai pora etu tournament te participate kuriya teams khan ke etu toh tournament laga hesa te phal moka karne lobole koise, tade hika bhi hikibo aro sportsmanship hoi kena talent bhi dekhabole paribo.
Olap ake te, Trophy laga Convenor Moatemsu pora welcome kodha kurise, MDFA Trophy laga introduction toh Yapangtula aro Tiakumla pora dise. MDFA Trophy 2019 te sob milai kena 18 teams khan participate kurise.
MDFA Trophy 2019 Dhakise
Add Comment