Kohima 01 Oct 2019: India aro Myanmar laga bich te rista phal pora ake loi jabole nimede, Assam Rifles khan pora Indo-Myanmar border te Indian aro Myanmar basty laga bich te pohila Friendship Cup Football Tournament organize kurise.
Etu Inaugural Friendship Cup suruwat toh Manipur laga Kamjong district te Nampisha te 27 September 2019 te suru kurise. Myanmar border laga basty te panchta teams aro India basty te pora sadta team khan tournament te khilise. Etu laga champion khan ke Rs 35,000 Aro Runners-up khan karne Rs 25,000/-, aro Myanmar te dhakiya participate team khan ke trophies aro medal logot te consolation prizes Rs 5,000/-.
Final match toh Myanmar team laga Teijang basty aro Nampisha basty duijun 29 September te khilise. Match biche te Myanmar laga Teijang team khan pora penalty shootout te 4-2 score kuri kena chitise. Indo-Myanmar border te dhakiya duita basty pora bhi cultural show dekhaise.
Assam Rifles khan etu eki motto “Friends of the North East” bithor te loi kena ahi dhakiya ase. Etu pora border te dhakiya khan laga mon eksat milai dise aro etu pora Government laga Act East suruwat ke ake loi jaise.
Add Comment