Agencies: Juventus aro Portugal laga star Cristiano Ronaldo pora tai retire hobole laga kodha kurise aro CR7 ke khushi baa football fan khan karne etu toh ektam biya khoboe ase. Ronaldo, Serie Aclub Juventus logot te 2022 tak contract te dakiya manu, pora tai football te pora retire kuribole laga kodha kurise kintoh tai pora koise ki tai business te mon dibole mon jai koi kena koise.
Sportbible.com ke kodha kuriya te, Panch bar Ballon d’Or chitiya player pora koise, “Moi etya tak bhi football ke khushi pai. Moi fans khan aro Cristiano ke khushi baa manu khan ke entertain kuri dhakibole khushi pai. Umar toh kiman hoile bhi eko nahoi, hoile bhi kodha toh dimag laga ase.”
34 umar, tai nijor laga online saman underwear, denim, footwear, fragrance line, digital agency, restaurants, gyms aro hotels,dhakiya manu pora koise ki tai Football pora alak ekta ke khushi pai ase.
“Jowa panch sal te moi nijor ke football pora bahar kiba ekta te musa loi kena ashi ase, etu pora ki jane ek nahoile dui sal biche te ki hobole ase?” tai pora koise.
Ronaldo pora aro koise, “hotai karne ektam nijor hobole lage, hoile bhi hotai cutu details odhabole lage aro phal example te pora kiba lobole lage, football te ekla nahoi hoile bhi alak sports – Formula 1, NBA, golf, UFC, ki hoile bhi. Sob pora phal athletes logot te eki mehnat ase.”
“Nijor ke biswas kuribole lage. Moi laga control toh Football te hi bishi wala ase. Moi kuribole paribole laga kam moi pora jane. Business te, olap tan ase, manu khan ke bishi wala biswas kure, hoile bhi moi laga pass phal team ase. Etu challenge ekta hobo,” tai pora website te koise.
Add Comment