BWF World Tour Finals 2019: PV Sindhu pora He Bingjiao ke harai dise

Guangzhou: BWF World Tour Finals 2019 te PV Sindhu laga  title defence toh khotam hobole pare hoile bhi  Indian khan chiti kena ahibo kintoh tai pora Group A laga final te He Bingjiao ke harai di kena third te kotam hoise.

Sindhu, tournament te Akane Yamaguchi aro Chen Yufei duijun logot te tai laga pohila duita  matches te hariya player, pora China’s Bingjiao ke 21-19, 21-19 pora 42 minutesa te harai di kena Chinese khan ke group stage te last-place te rakhi dise.

Etu tournament te pora olai kena bhi, Sindhu pora Bingjiao laga khilaaf te ektam mon di kena khilibole ase aro Sindhu pora Chinese ke panch bar wala attempt te pohili bar chitise.

Sindhu pora  Bingjiao ke Dubai World Superseries Finals 2017 te harai dise kena ase, tai etu biche te Tai  Chinese manu logot  Indonesia Open 2018, French Open 2018, China Open 2018 aro India Open 2019 te harise.

Group A te pora, Yufei aro Yamaguchi duijun pora Chinese logot te teenta match khiliya te teenta bhi chiti kena group te top pai kena semi-finals te bonjise.

Group B laga women’s singles te, Nozomi Okuhara aro Tai Tzu Ying duijun bhi teenta chiti kena  group te top mari kena last four bonjise.

Bingjiao pora match ektam high te suru kuri kena tai pora  7-3 te lead kurise. Sindhu pora bishi attempt kuri kena bhi, Bingjiao  pora 11-6 te lead loise.

Break biche te, Bingjiao pora five straight points lobole pari kena 16-7 lead suru kurise aro etu biche te 18-9. Hoile bhi, etu somoy te Sindhu laga stun suru kurise.

Sindhu pora match ke control kuri kena ektam attck kuri kena khiliya suru kurise  aro tai pora next nine points pai kena 18-18 pora eki bonai dise.

Bingjiao pora dusra point loi kena 19-18 bonaile bhi, Sindhu pora sidha odhi kena three straight points  pora  first game te Chinese laga hat pora chinise.

Second game te Sindhu pora dhik hat te rakhi kena 11-8 te lead loise. Sindhu pora etu biche te 18-13 pora lead kuri kena suru kurise, Indian pora pophila game lowa dekhi kena Bingjiao olap dukh pai kena dhakise.

Hoile bhi, Chinese pora mehnat kuri kena 16-18 loise hoile bhi  Sindhu pora 20-17 pora teenta match point loise.

Bingjiao pora duita match point loise hoile bhi third moka te dhakise, Sindhu pora ektam phal ar mehnat pora khili kena match chitise.