Naples: Wednesday din te Carlo Ancelotti ke olai diya biche te Napoli khan pora former AC Milan coach Gennaro Gattuso ke hire kurise. 60 umar Ancelotti ke Napoli pora Champions League laga last 16 karne Genk ke 4-0 pora harai di kena nouta match te ekta bhi nachiti kena khotam howa biche te olai dise.
Gattuso pora tai former coach ke botli kuri dise, kintoh tai Ancelotti laga under te AC Milan logot te tai laga 13 sal player dhakiya te pora eight sal eksat dhakise. Former midfielder pora koise tai Sunday din te pohila Napoli president Aurelio De Laurentiis logot te log kurise.
“Olap din karne eman toh aram dhakiya nai kintoh Carlo logot sob clarify kuribole lage koi kena moi pora jani dhakise,” Gattuso pora news conference te koise. “Hoile bhi aji tak bhi Carlo pora prove kurise ki tai toh moi karne papa nishena ase koi kena. Tai pora moi ke dukh somoy te hotai modot kuri kena ahise aro aji bishi bar tai eman phal manu ase koi kena jani ase.
41 umar Gattuso fifth-place te Champions League te khotam hoi kena last season khotam howa biche te Milan ke chari kena jaise.
Former Italy aro Milan midfielder ke November 2017 te Vincenzo Montella ke botli kuri kena youth-team coach te pora promote kurise aro pohila season te team ke tai pora sai kena Serie A laga sixth te khotam hoise.
Gattuso pora Napoli laga pohili match in charge toh Saturday, Parma te dhakibo.
Napoli khan etya Serie A te number seventh te ase, 17 points pora league leader Inter Milan khan laga biche te ase.
Napoli te Ancelotti karne second season hai dhakise. Team khan jowa bar season te runner-up te khotam hoise, 11 points pora Juventus laga biche te.
Add Comment