Prime Minister Shri Narendra Modi para chair kura Union Cabinet para Delhi Metro Phase-IV project laka tuita nutun corridors approve kuri shae, kuto national capital deh Metro connectivity aro bhal kuri bole expect ase.
Tuita corridors tho etu kan ase:
Inderlok – Indraprastha 12,377km
Lajpat Nagar – Saket G Block 8,385 km
Project laka cost aro funding
Etu tuita corridors laka total cost tho Rs. 8,399 crore ase, kuto Government of India, Government of Delhi aro International funding agencies para sourced hobo.
Tuita lines lokot deh 20,762 kms taki bo. Inderlok -Indraprastha corridor tho Green Line laka extension taki bo aro Red, Yellow,Airport Line, Magenta, Violet and Blue Lines lokot deh interchange provide kuri bo. Alak side deh Lajpat Nagar – Saket G Block corridor tho Sliver, Magenta, Pink aro Violet Lines keh connect kuri bo.
Lajput Nagar – Saket G Block corridor tho oura elevated taki bo aro atha stations taki bo. Inderlok -Indraprastha corridor lokot deh underground lines laka 11,349 kms taki bo aro 1,028 laka elevated lines taki bo.
Inderlok- Intraprastha Lines para Haryana laka Bahadurgarh jaka keh enhanced connectivity dibo. ETu jaka deh taka commuters kan Green line chulai nah Indraprastha direct punchi bole pari bo.
Inderlok, Nabi Karim,New Delhi, Delhi Gate, Indraprastha, Lajpat Nagar, Chirag Dilli aro Saket G Block laka corridors kan deh atha nutun interchange stations ahi bo. Etu stations kan para sob operational lines majo deh interconnectivity bishi improve kuri bo.
Delhi Metro Rail Corporation Limited (DMRC) kan puila para heh Tender documents laka pre-bid activities aro preparations shuru kuri lui shae.
Add Comment