Agencies: Local sources koishe Wednesday te Bole-Bakundu te 15 manu murishe aro dusra bishi manu khan jokom hoishe koishe. Bole-Bakundu locality toh Cameroon laga Southwest te ase.
Xinhau ke ekta local resident koishe moi personally 15 dead bodies count kurishe. Etu te mota aro maiki bhi thakishe. Tai khan sob bhi market te guli lagi kena murishe. Tai khan laga haath te hatiyar thaka nai. Khobor kura manu para tai laga identity toh disclose nokuribi koishe.
Kun para etu kaam toh kurishe etu opor te khobor toh ekdam thik nai. Locals khan koi aes ke tai khan ke toh government orces para guli marishe aro government koishe ke etu manu khan toh military aro armed separatists khan majote te huwa larai te murishe.
Xinhua ke local official koishe separatists khan para locality laga rasta toh bon kurishe aro military para tai khan ke bhoi khela bole open fire kurishe. Separatists khan para wapas hamla kurishe. Muri kena thaka manu khan majote bishi toh crossfire te murishe koishe. Etu local officials bhi tai laga identity toh disclose nokuribi koishe.
Ary toh etu ghatna opoor te kotha aro bhi nokuri kena ase.
Tuesday te komti hoile bhi charta civilians khan guli laga kena murishe.
Separatists khan para Tuesday din para February 14 tok regions te sob type laga activites khan bon kuri dishe. Etu toh February 11 te hubole thaka National Youth Day activities ke disrupt kuribole nimite ase.
November 2017 pichete government forces aro separatists forces khan majote larai hoi thake. Separatists forces khan toh duita regions ke notun desh hubole dibole mon ae. Tai khan etu desh laga naam toh “Ambazonia” hubo dibole mon ase.
Add Comment