BEIJING Wednesday te police koishe northwest China laga eman develop nohuwa jaga te ekta manu para chaku para tate thaka manu khan ke hamla kurishe. Etu ghatna te aatha manu murishe aro satha manu jokom hoishe. Police para etu hamla kura manu ke arrest kurishe. Etu ghatna toh desh Lunar New Year celebrate kura samay te hoishe.
Tuesday te police para etu ghatna opor te khata kotha he kurishe. Etu ghatna toh Gansu Province laga semi-rural Huining County te hoishe. Police para etu opor tee man kotha nokura nimite bishi sawal laga jawab pa nai. Etu sawal te etu manu khan naam toh ke thakishe bhi ase. Hoile bhi local public security bureau koishe etu hamla kura manu laga sur name toh Guo ase. Aro tai laga umar toh 49 year ase. Guo toh modu kha manu thakishe aro tai tar maiki ke affair thaka suspect kuri thakishe.
Police khobor kura hesab te Guo laga olop samay laga kotha kuwa hesab t eta tai laga maiki toh sexual relations thaka suspect kuri thakishe. Police para tai laga pura naam toh diya nai, nohoile bhi tai ke kaam kuri thakishe aro dusra details khan eku diya nai.
Khobor hesab te Mr. Guo toh modu khai thakishe aro Tuesday ekdam fusur te dusra bosti manu laga ghor te chaku loi kena ghusishe aro hamla kura suru kurishe. Police koishe etu ghatna opor te etiya bhi investigation chuli ase aro etiya tok eku kotha bhi clear nai koishe.
Add Comment