ISLAMABAD/KARACHI: Pakistan laga Sindh province te Hindu mandir toh biya kuri dishe. Kunba groups khan para pavitra kitab aro idols khan toh jui lagai dishe. Etu ghatna opor te Pakistan Prime Minister Imran Khan para ekdam strong reaction dishe. Etu kaam kura manu khan opor te action lubole order dishe.
Etu ghatna toh Kumb te jua haft ate hoishe. Kumb town toh Khairpur district te ase. Mandir toh biya kuri diya pichete etu manu khan toh polai jaishe.
Tuesday rati te Mr Khan Twitter duwara koishe etu biya kaam toh kun kurishe etu manu khan opor te thik action lubole province laga authorities khan ke koishe.
Mr Khan koishe Sindh govt khan toh etu biya kaam kura manu khan opor te thik actions lubole koishe. Mr Khan koishe etu biya kaam toh Quran laga teachings laga khilaf te ase.
Etu biya kaam kora manu khan opor te case register kuribole community khan police ke approach kurishe.
Mandir te toh kunbi caretaker thaka nai. Kile koile community khan para bisas kuri thakishe ke tai khan laga ghor para mandir toh surround kuri kena thaka nimite mandir toh safe ase bhabishe.
News channel Samaa TV khobor kurishe ke etu ghatna huwa pichete city osor te thaka hindus khan toh etu ghatna opor te protests kurishe.
Pakistan Hindu Council adviser Rajesh Kumar Hardasani Hindu mandir khan laga security nimite special task force laga formation demand kurishe.
Tai koishe etu kaam nimite Hindu community te ekdam mon shanty nathaka hoishe. Enika kaam khan toh desh lag alak alak hiss ate religions harmony biya kuribole kosis ase.
Police koishe etu kaam kura manu khan ke bisara suru kurishe hoile bhi etiya tok bhi eku progress nai. Kun group nohoile bhi individuals para etu kaam kura laga zimadari luwa nai.
Hindus Muslim-majoti desh Pakistan te Hindu dui percent ase. Pakistan laga population toh 220 million ase. Bishi Hindus khan toh Sindh provice te thaki ase. Extremists khan npara tai khan opor te harass kura laga samay samay te khobor ahi thake.
Add Comment