LONDON, UNITED KINGDOM: London laga United Arab Emirates embassy Wednesday laga khobor mana kurishe ke British mota ke desh te Qatar football shirt laga nimite arrest kura nohoi. Hoile bhi etu mota ke police laga samay waste kura nimite arrest kurishe.
London laga United Arab Emirates embassy koishe Ali Essa Ahmed para police ke jua moina khobor kurishe Asian Cup final te UAE laga national football fans para tai Qatar ke cheer kura nimite tai ke harass kurishe aro marishe. Ali Essa Ahmed toh toh Sudanese-British laga dual citizen ase. Ali paa complaint toh jua moina kurishe.
Embassy koishe police para Ahmed ke hospital te loi jaishe. Doctor para Ahmed laga body te thaka jokom ke test kurishe. Aro reports hesab te Ahmed para kenika koishe etu logote tai laga tests reports toh mila nai. Tets hesab te etu toh nijor para he jokom kura ase koishe.
Embassy koishe etu tests report laga result hesab te January 24 te Mr Ahmed ke police para tai khan laga samay waste kura nimite aro missa statement bana nimite tai opor te charges lagaishe.
Online te statement post kura hesab te Ahmed para etu offences admit kura nimite etu case toh UAE courts te process kuribo koishe.
Khobor hesab te UAE te thaka British embassy ke contact kurishe aro process toh etiya suru kurishe. Ahmed toh Arabic kubole paray aro tai nijor ke key situation te gerai dishe etu tai bhal para bugi ase.
Ahmed toh Qatar ootball shirts laga nimite arrest huwa nohoi. Hoile bhi tai toh public attention bisara nimite aro police laga samay nuksan kura nimite arrests hoishe.
Guardian newspaper khobor kurishe ke Ali Issa Ahmad toph chute nimite UAE te travel kurishe aro etu samay te tai Asian Cup attend kurishe. Etu te Qatar aro Iraq match khila te tai attend kurishe. Etu match laga samay te tai Qatar laga shirt toh lagaishe. Ali Issa Ahmed laga umar toh 26 years ase.
London Foreign Office koishe ami khan UAE te arrest huwa Britist mota ke assistance provide kuri ase. Aro local authorities khan logote in touch ase koishe.
Add Comment