WASHINGTON: Tuesday te state attorney general koishe Alabama police officer para black mota ke guli mari kena morai dishe. US cop para etu black mota ke gunman bhabi kena guli mari dishe. US cop toh etu nimite eku charges lok pa nai.
Police officer para Emantic “E.J.” Bradford ke teen bar guli mari kena morai dishe. Etu toh Alabama, Hoover laga shopping mall te black mota ke guli mari kena morai dishe. Etu ghatna to jua saal November 22 te hoishe.
Etu ghatna para civil right activists khan paa protests kurishe. Aro police laga khilaf te racism laga inzam lagaishe.
Alabama attorney general Steve Marshall laga release kura khobor hesab te police para crowded mall te gunshots laga jawab te police para Bradford ke guli mari dishe.
Bradford toh shooting te involve thaka nai.
Khobor hesab te officer para Bradford ke hatiyar Khobor hesab te officer para Bradford ke hatiyar dhuri kena pola dekha nimite open fire kurishe. Policeman toh “officer 1” hesab te identify kurishe.
Attorney general koishe ketiya E.J Bradford ke guli marishe officer 1 toh reasonably tai laga official powers, duties, nohoile bhi functions exercise kuri thakishe.
Tai koishe officer 1 para E.J. Bradford ke innocent eivilians khan laga immediate khatra (deadly threat) dekha nimite Bradford ke guli mari kena khotom kuri dishe.
Officer 1 laga etu actions etu situation under te bugibole para ekta situation ase. Aro Alabama kannon hesab te etu toh crime nohoi koishe.
Add Comment