Agencies: February 4, Monday te military koishe ke Mali border laga osor te northern Burkina Faso te hamla huwa te Fourteen civilians khan murishe.
Khobor hesab te etu ghatna laga jawab te army khan para teenta northern provinces te raids kurishe. Army khan koishe tai khan 146 militants khotom kuri dishe.
Etu jihadist hamla toh Mali border osor te thaka Yatenta province laga Kain town te hoishe.Etu jihadist hamla toh desh laga sob para serious khan majote thaka ekta record kurishe. Aro etu toh G5 sahel summit laga saam te hoishe. Etu hamla toh Ouagadougou te hoishe.
Army spokesperson Colonel Lamoussa Fofana koishe February 3, Sunday laga rati para Monday, February 4, 2019 toh attankwadi para Kain te hamla kurishe. Etu hamla te 14 civilians khan murishe.
Etu hamla laga jawab te national defense aro security forces khan para immediately Kain, Banh (Loroum Province, north) aro Bomboro (Kossi Province, northwest) jaga khan te operations suru kuri dishe.
Khobor hesab te etu counterattack nimite teenta jag ate 146 attankwadi khan ke murai dishe.
Army khan para koishe larai te tai khan olop jokom paishe. Hoile bhi etu larai te kun army bhi mura nai. Army khan koishe tai khan affected jaga khan te toh etiya bhi operations kuri ase.
Olop saal bhitor te jihadist khan nimite civilians aro security forces duijon bhi bishi duk paishe. 2015 para etiya tok te manu mura laga ginti toh teenso (300) genika ase.
Add Comment