Agencies: Monday laga statement hesab te 15-member UN body para Hudaydah ceasefire agreement toh biya kura nimite concern thaka janaishe. Etu agreement toh Yemen laga Houthi Ansarullah movement aro former Saudi-backed regime majote kurishelay. Aro etu toh Stockholm laga Rimbo town osor te December te pungchishelay.
Council koishe Security Council members para parties khan ke etu opportunity toh shanty laga disha (direction) te jabole uthabole koishe.
Council para UN laga Yemen envoy Martin Griffiths ke koishe ke etu situations laga development opor te council ke ekdam nasdik (close) para inform kuri thakibole koishe. Taki (so that) political settlement laga support te tai khan agay te necessary steps khan uthabole paribo nimite.
Houthi movement aro ex-president Abd Rabbuh Mansur Hadi logote vafadar (loyal) thaka forces khan para jua olop hafta para Hudaydah te ceasefire biya kura laga inzam lagaishe. Hudaydah toh millions Yeminis khan laga lifeline ase.
Duita sides bhi January 7 te Hudaydah para tai khan laga forces withdraw kuribole miss kurishe. City aro ports toh kun para control kuribo etu kotha opor duijon bhi agree nokuri kena ase.
UN spokesman Stephane Dujarric koishe Monday Red Sea te duita parties laga representatives khan second din nimite nao te lok kurishe. Aro tai khan duijon bhi Stockholm agreement laga hesab te chuli kena jabole commitment dishe.
Add Comment