PARIS: Fire service koishe Tuesday laga edam fusur Paris laga upmarket neighborhood te jui para saatha manu murishe.
Khobor hesab te etu ghatna toh ekdam biya thakishe. Etu ghatna Paris laga 16th arrondissement te hoishe. Etu ghatna te ekta manu toh bishi biya para jokom hoishe aro dusra manu khan bhi jokom lok paishe. Etu te choi firefighters khan olop jokom lok paishe.
Jui toh ek bagi fusur te lagishe. Aro jui toh pura panch ghonta pichete control kuribole parishe. Jui toh ke nimite lagishe etu laga etiya toke k khobor nai koishe.
Fire service spokesman Captain Clement Cognon para AFP ke koishe manu mura laga genti toh aro bhi uthibole paray.
Jui para affect huwa kunbamanu khan toh jui aro dhunga (smoke) para bachibole nimite building laga roof te olaishe koishe. Aro tai khan ke fire crews khan para bachaishe.
Residential neighbourhood toh dangor Bois de Bologne park laga kinar te ase aro top football club Paris Saint-Germain laga Parc des Princes stadium osor te ase. Etu jaga toh city laga southwest te ase.
Captain Cognon koishe ami khan bishi manu khan ke bachabole lagishe. Etu te kunba manu khan toh roofs te bhi jai kena thakishe. Firefighters khan total 50 manu khan ke bachaishe. Etu toh seri (ladders) khan laga modot para bhi manu khan ke bachaishe.
Fire crews khan para rue Erlanger laga 1970s block toh khali kuribole dishe aro pura rati jui logote larai kuri thakishe.
Ekdam osor te thaka dusra duita buildings khan bhi precautions nimite khali kuribole dishe. Local officials para wapas ghor te ghrai kena jabole napara manu khan ke thakibole ghor bisari dishe.
Etu ghtna te duiso genika firefighters khan involve kurishe. Tai khan jui rukhabole aro jokom huwa khan ke sabole involve kurishe.
Add Comment