OTTAWA: Monday din Penticton, British Columbia, te char jun murishe .Aro etu chamela karne ek jun thurishe .Etu khobor toh Royal Canadian Mounted Police (RCMP) statement te dikena janaishe .
“Police khan janikena ase ki etu charjun manu mura toh tinta location 5 km (3.1 mile) radius bithor te thakeh ,”statement te koishe .
Ekta manu suspect description logote mila toh Penticton RCMP detachment te ahise .Etu manu toh custody te ase aro chan bin chuli ae .Aro chan bin kura pichede janishe ki etu ekta target kura hatsaa thakishe ,” statement te janaishe.
Etu hatsaa huwa toh 10:30 a.m. local time (1730 GMT) te thakishe .Police khan jaa eki time te dusra bar shooting huwa khobor paishe .
Etu duita shooting laga suspect toh etu pohila hatsaa huwa ek ghonta huwa pichede ahise,Police koikena janaishe .
Etu shooting toh kile hoishe etia tak najaneh.
RCMP regional commander Ted De Jager koishe ki”Etu kile hoishe koikena ami khan chan bin kuri ase .
Ami bujeh etu ekta bishi mon dukh huwa hatsaa ase ami khan laga community te huwa toh .Ami khan laga mon toh etu hatsaa te murishe etu khan nimete ase ,”Tai koikena janaishe.
Add Comment