May 4, 2024 Canadian authorities kan para pro-Khalistan figure, Hardeep Singh Nijjar laka killing connection deh teenjun keh formally identify ari charge kuri shae. Teenjun keh b Edmonton phale arres kuri shae. Edmonton tho British Columbia province laka capital ase. Taikan tho Karan Brar, 22, Kamalpreet Singh, 22 and Karanpreet Singh, 28 ase kui nah identify kuri shae. Taikan keh first degree murder aro conspiracy to commit murder lokot deh charge kuri shae, Integrated Homicide Investigation Team (IHIT) para aha release isap deh.
Hoile b investigations kan itia b chalu ase, additional manu kan karne, kun kan killing deh involve taki shae. “Etu mamla kan deh separate aro distinct investigations kan kuri ase. Aji arrest kura manu deh limited nahoi aro etu deh Government of India lokot deh connection taka b investigate kuri ase,” Pacific Region laka Commander of the Federal Policing Program, Assistant Commissioner David Teboul para kui shae, ekra press conference time deh.
Tai para evidence jama kura laka nature aro murai dial aka motive b address kura nia, kile etu tho case laka judicial proceedings deh ahi bo.
“Mui kubo, etu mamla tho itia b active investigation pitor deh ase. Aji laka announcement tho investigative kam laka ekta complete account nahoi kui nah underscore kuri bo mui,” Teboul para kui shae.
Add Comment