Category - International

International

October 29, 2020. Typhoon Molave, mati-kera para komti hoilebi 19 manuh morishe aro 45 manuh harikena ase, etu central Vietnam chaka te ase. Hawa-paani ahikena ghor roofs aro power para 1.7 million manuh khan thaka chaka beya kori thishem koikena Thursday din state media para khobor thishe. Landslides chaka te manuh mora sob melaikena 35 ase aro etu oper te Wednesday din te, 12 maas thura manuh laga paani-jahas toh paani pithor te jaishe. Typhoon toh 150 kilometers (93 miles) per gonda te ahishe. Vietnamese officials para kowa toh 20 saal pithor te etu sobse beya typhoon aha ase. Mati-kera te 59 manuh aro napaikena ase. Manuh mora toh aro besi othibo neshina ase keli koile chaka besi te khobor napaina ase. Thursday pujur te motob kora manuh para 8 bodies mati pithor para olaishe, etu chaka toh south central Quang Nam province laga Tra Van bosti para ase, ghor oper te mati kera nemite. Typhoon aha nemite manuh khan etu chaka te jaishe koikena official Vietnam News Agency para janai thishe. Tra Leng bosti te, Tra Van para 45 kilometers (28 miles) jaikena aro dosura mati-kera te 45 manuh ke mati pithor te ropai thishe. 4 jun manuh toh pachishe. Motob kora manuh para 8 jun ke pachaise aro dosura 37 logot pachaboli kori thakishe, Vietnam News para koishe. Deputy Prime Minister Trinh Dinh Dung aro sepia khan chaka te jaishe aro mati-kera chaka toh bulldozers para othaishe aro jolti para sepia khan bosti te aniboli hokom thishe. Etu tinta(30 mati-kera chaka toh mountains neje te Quang Nam province te ase. Etu moina olop din agae te floods para 136 manuh morishe aro hundred neshina ghor beya kori thishe. Quang Nam and Gia Lai provinces te, ghor oper te Jhas kerikena 4 jun manuh morishe, Wednesday din typhoon nemite. Navy aro motob kora manuh khan para 26 mass thura manuh pithor te 12 jun laga body paishe, tai khan laga paani-jahas toh Wednesday din Binh Dinh province te howa ase koikena state media para koishe. Typhoon para 56,000 ghor roofs orai thishe aro etu Quang Ngai province te 1.7 million manuh thaka chaka ase, koikena Vietnam Newa para janai thishe. Komti hoilebi, 40,000 manuh ke pachaina emergency ghor te rakishe aro authorities khan para offices, factories aro schools khan hoshari nemite bondh korishe. Philippines te typhoon para 16 manuh morishe aro Vietnam laga South China Sea te jaa ase etu.

October 29, 2020

October 29, 2020. Typhoon Molave, mati-kera para komti hoilebi 19 manuh morishe aro 45 manuh harikena ase, etu central Vietnam chaka te ase. Hawa-paani ahikena...