Category - International

International

July 28, 2020. UK para khobor thishe ke, desh te Janwar logot first COVID-19 case paishe. Weybridge chaka te janwar(cat) ke bemari tuh laki-kena ase khobor paishe. Bemari tuh janwar(cat) logot July 22 darik, Animal and Plant Health Agency (APHA) laboratory Weybridge chaka te test hoishe koikena Xinhua news agency para khobor thishe. Hoilebi, etu samay, “janwar(cat) ke virus lakai tuh manuh logot lakai naa nahoi eku proff nai” koikena Monday din Middlemiss para janai thishe. Middlemiss para aro koishe ke, “ami khan situation tuh saikena janwar laga malik ke update kuri thakibo”. Khobor hesab te janwar(cat) ke coronavirus tuh malik para lakai ase, keli koile, olop din ake te malik ke virus tuh positive paikena thakishe koikena, Department for Environment, Food & Rural Affairs para statement te koishe. Janwar(cat) aro malik tuh bemari para full bhal hoikena ase aro ghor osor te dosura manuh aro janwar khan ke eku bemar nai koishe. Middlemiss para aro koishe ke, “etu case tuh besi alak/komti ase, keli koile, janwar logot bemar thura beche bemar tuh komti clinical signs thikaishe aro olop din pithor te bhal hoi jaishe”. President of the British Veterinary Association, Daniella Dos Santos para koishe ke, “janwar malik ke advice kura tuh janwar logot COVID-19 bemar thaka aro kuan malik para self-isolation te raki-kena ase, tai khan laga janwar logot oshari thakibole lage aro saba-sabi hobo lage, aro hotai hath thulabo lage. “ami khan aro janwar malik logot koiase ke, joti bemar aro suspect thakile tai khan laga janwar tuh ghor pithor te rakiboli lage”.

July 28, 2020

July 28, 2020. US Presidential Election laga first debate tuh Cleveland, Ohio, September 29 darik te thakibole ase koikena, Commission on Presidential Debates...