NEW DELHI: Jua kali Delhi High Court te CBI Number 2 Rakesh Asthana toh riswat case nimite tai against te investigation kuribole ase. Judge para special Director Rakesh Asthana, CBI Deputy Superintendent Devender Kumar aro Manoj Prasad against te case hoi kena thaka toh cancel kuribole mana kurishe. Mr. Asthana ke interim protection de kena thaka toh criminal proceedings nimite hatai dishe.
Court para CBI khan ke dos hafta majote Mr. Asthana aro dusra khan opor te case banai kena thaka toh khotom kuribole koishe.
Court toh etu CBI laga manu khan opor te case banai kena thaka khan laga behalf para petition banaishe koishe. Mr Asthana khan toh criminal conspiracy, corruption aro criminal misconduct laga case tai khan opor te banaishe..
Justice Najmi Waziri koishe case laga facts consider kuri kena prosecute Mr Asthana aro Mr Kumar karne prior sanction permission nalage koishe.
Hyderabad-based businessman Sathish Babu Sana laga complaint para etu FIR toh banaishe koishe. Sathish koishe tai poisa laga laundering case te relief pabo nimite riswat dishe koishe. Etu case te meat exporter Moin Qureshi bhi meli kena ase koishe.
Rakesh Asthana bhi Mr Sana para Rs. 2 crore laga riswat loishe koishe. Rakesh toh Gujarat cadre laga 1984-batch IPS officer ase.
Etu development toh Mr Asthana laga boss aro CBI chief Alok Verma ke high level committee para ulai diya pichete hoishe. Etu committee toh Prime Minister Narendra Modi para head kuri kena thakishe. Etu toh Tuesday te Supreme Court para tai ke conditional reinstatement dishe.
October te Mr Verma toh Rakesh Asthana karne corruption laga inzam paishe. Etu duita officers toh desh laga premier investigating agency te unprecedented public rift laga charge trade kurishe. Mr Asthana court ke koishe tai ke maliciously harass kuri ase aro tai para biya kaam kora laga eku evidences nai koishe. Etu riswat laga case toh Alok Verma against te criminal misconduct complaint diya laga backlash ase.
Government para tai duijon ke bhi immediate leave dishe aro adha rati bhitor te interim chief swoop kurishe, Mr. Verma Supreme Court ke approach kurishe.
PM Mod para chola panel para tai ke Director General Fire Services hesab te transfer dishe. Etu transfer toh CBI chief logote decide kora pichete hoishe.
Opposition hudishe kile Mr Verma ke panel agote tai laga case present kuribole diya nai. Aro etu nimite process ke question kurishe.
Alok Verma kun January 31 te resign kuribole thakishe tai agi resign kurishe.
Add Comment