NEW DELHI:Thursday te Delhi court para teenta manu ke arrest kurishe. Etu teenta manu khan toh ISIS- inspired group member thaka suspect kuri thakishe. Etu manu khan toh desh laga alag alag jag ate hamla kuribole plan kuri thaka laga suspect kuri thakishe.
Accused logote saatta dusra manu khan bhi arrest kurishe. Tai khan toh desh te suicide attacks aro serial blasts kuribole suspect te dhurishe. Tai khan toh politicians aro government installations khan target kuri thakishe. Etu toh Delhi aro dusra north India jaga khan te target kuri thakishe.
Zubair Malik, 20, Rashid Zafar Raq alias Zafar, 23 aroAnas Yunus, 24 khan toh February 6 tok judicial custody te pothaishe. Custodial interrogation expire huwa nimite NIA para tai khan ke court te produce kora pichete hoishe.
Agency koishe tai ke NIA para aro question kuribole require nokure koishe.
Special Judge Rakesh Syal para olop samay agote te bhi panchta manu ke judicial custody te pothaishe. Etu manu khan ke judicial custody te February 6 tok pothaishe. Aro tai khan ke NIa para aro questions hudiboile zaruri nai koishe. Etu manu khan laga naam toh Zubair laga bhai Zaid, 22, Saeed alias Sayeed, 28, tai laga bhai Raees Ahmad, Mohammed Irshad (20) aro Mohammed Azam, 35 ase.
Court para Mufti Mohammed Suhail alias Hazrath, 29 aro Saqib Iftekar, 26, laga NIA custody extend kurishe. Tai khan toh NIA custody para January 26 para ulabo.
Advocate Prashant Prakash kun accuse kora khan karne case fight kuri ase. Tai para NIA khan para accuse khan ke aro olop samay nimite custodial interrogate kuribo koi ase etu oppose kuri ase. Tai koishe etu interrogate kuribole eku fresh ground nai koishe.
Jua saal December 26 te dosta manu khan ke arrest kurishe. Etu arrest toh NIA para search operation kora pichete hoishe. NIA ke Delhi Police special cell aro Uttar Pradesh Police laga Anti-Terrorism Squad para coordinate kuri assist kurishe. Etu toh Delhi laga choita jaga te hoishe aro Uttar Pradesh laga egarota jag ate hoishe, Amroha laga choita jaga te, Hapur te duita aro Meerut te duita.
NIA hesab te locally bana rocket launcher, suicide vests nimite materials, 12 pistols, live ammunition laga olop rounds aro timers nimite estimal kuribole thaka 112 alarm clocks toh search operation conduct kora samay te paishe.
Agency aro koishe 25 kg explosive material bhi recover kurishe. Recover kora explosive materials toh Potassium Nitrate, Ammonium Nitrate aro Sulphur thakishe.
Etu groups toh remote control cars aro wireless doorbells keni kena thakishe. Tai khan etu saman laga circuits khan toh improvised explosive devices assemble kora te estimal kuribole thakishe.
Agency koishe 16 detained manu khan para toh, dosta manu khan toh olop deri pichete arrest hoishe. Panchta manu tohUP Amroha para hoishe aro panchta manu toh Seelampur aro Jafrabad localities para arrest hoishe. Seelampur aro Jafrabad toh north-east Delhi te ase.
Add Comment