NEW DELHI:Officials Tuesday te koishe duita Army officers Rs.82 lakh civilian supplier para bribe luwa nimite arrest kurishe. Civilian supplier para Nagaland te post huwa troops khan ke ration supply kuribole duita Army ke bribe dishe.
Brigadier Rajiv Gautam para etu complaint against te action loishe. Brigadier Rajiv Gautam toh Army laga 3 Corps headquarters te post hoi kena ase.
Lt Col Amit Sharma aro Lt Col Sutikshan Rana, Army Service Corps laga officers ase. Tai duijon 2012 aro 2016 majote Rs. 82 lakh genika bribe ration supplier para loishe. Complaint hesab te poisa laga number toh uthibo pare koishe.
Sharma toh Army Service Corps (Supply) Type ‘C’ laga commanding officer thakishe. Tai toh Dimapur te July 27, 2012, para October 15, 2014, tok thakishe. Rana toh October 16, 2014, para September 10, 2016 tok thakishe.
Khobor pa hesab te Contractor Jai Prakash Singh para duita Army officers ke Rs. 82 lakh dishe. Etu khobor toh Army para count inquiry kora piche te paishe.
Officials koishe saath(seven moina lamba enquiry pichete Singh para Sharma aro Rana ke Rs. 10 lakh aro Rs. 3.40 lakh dishe janishe. Etu enquiry toh CBI para kurishe.
Officials koishe payments toh third parties laga bank deposits para kurishe. Third parties toh Sharma aro Rana laga jana manu aro family members thakishe.
Add Comment