Tuesday te government Lok Sabha ke koishe Pradhan Mantri Awas Yojana (Urban) para desh te choi crore opor manu karne jobs banaishe.
Union Minister Hardeep Singh Puri koishe National Council of Applied Economic Research (NCAER) laga 2014 study report hesab te ekta-ekta housing sector te Rs. 1 lakh invest kora para economy te 2.65 notun jobs banai. Etu hesab te desh pura te PMAY (U) para 6.07 crore jobs generate kurishe. Etu kotha toh housing aro urban affairs minister sawal laga written response te koishe
Ministry koishe etu jobs toh duration hesab para nohoi kena ase.
PMAY (U) toh Prime Minister Narendra Modi para June 2015 te launch kurishe. PMAY (U) beneficiary ke poisa modot de kena sobke 2022 bhitor te ghor dibole aim ase.
Government toh desh pura laga urban jaga khan te ek crore ghor banabole target kuri ase. Etu toh toh 2015 para 2022, saath(seven) saal laga aim ase.
Official figure hesab te, PMAY(U) under para desh pura te December 12 tok te 65,43,970 ghor banabole approve kurishe.
Etu sob para 35,49,531 ghor banabole suru kuribo koishe. 12,26,530 ghor bana complete hoishe aro 12,19,549 ghor toh beneficiaries khan para occupy kurishe.
Add Comment