MUMBAI:PM Narendra Modi para 2014 te black money India te wapas anibo laga kotha aro BJP Union Minister Ramdas Athawale laga latest statement toh bishi manu para misamisi hesab para sai. Etu kotha khan nimite opposition parties para PM ke target kurishe.
Union Minister Monday te reporters khan ke koishe Rs. 15 lakh toh sob account hubo, etu poisa toh manu khan logote aste para punchibo. Etu toh ek bar para nohubo.
Mr. Athawale Maharashtra te reporters khan ke koishe Rs. 15 lakh toh aste para ahibo, etu poisa toh ek bar para nadibo. Government logote eman bishi poisa toh nai. RBI (Reserve Bank of India) ke poisa nimite hudishe hoile bhi tai khan poisa nidae. Etu nimite poisa toh collect kuribo napare. Poisa pabole assurance toh dishe hoile bhi etiya technical issues ase koishe.
2014 laga national election campaign te PM Modi koishe black poisa aro untaxed poisa toh eman as eke judi etu desh te anibo parile sob manu laga account te Rs. 15 lakh ahibo paribo. PM Modi desh te black poisa ekso din power te aha din bhitor te anibo koishe. Etu kotha khan opposition Congress party para kurishe. Congress para BJP ke promise kora toh rakha nai koishe.
Add Comment