CBI para Ghosh Brothers Automobiles ke case korishe

June 2, 2021. Central Bureau of Investigation (CBI) para Guwahati-based Ghosh Brothers Automobiles aro tai khan laga promoters aro directors logot bank fraud case te Rs 168 crore nemite case registered korishe, koikena Tuesday din etu khobor toh officials khan para junaishe. CBI spokesperson para koishe ke, agency para Pranab Kumar Ghosh, Pratul Kumar Ghosh, Gita Rani Ghosh aro Prabir Kumar Ghosh, aro sob promoters-Directors of Ghosh Brothers Automobiles oper te booked korishe.  Promoters aro Directors oper te CBI para aro 1 jun manuh Arunabha Chattopadhyay koikena tai toh Chartered Accountant ase aro nejana bank officials aro private manuh khan nam thishe. Officials para koishe ke, etu case toh IDBI Bank para Rs 168.62 crore loss howa nemite complaint toh registered korishe. Tai para complaint te koishe ke, term loan aro cash credit facility toh mesa te private company ekta Guwahati te Rs 64.67 crore toh IDBI Bank, Guwahati Branch te gari keniboli nemite sanctioned korishe koishe. “khobor para koishe ke, etu manuh khan para aro mesa laga document submit korikena loan toh mangkina aro dosura rasta te jola nemite Rs 168.62 crore toh January 31, 2021 dak te bank toh loss hoikena ase,” tai para aro koishe. Tai para aro janaishe ke, July 1, 2020 te baki poisa Rs 153.38 crore toh Bank logot wabas nakora nemite account toh NPA hoishe.