June 2, 2021. Meghalaya, North Tura constituency para National People’s Party (NPP) MLA, Thomas Sangma oper te FIR filed korishe koishe. Etu FIR toh NPP MLA Thomas Sangma ke rape kora nemite ase koikena Shillong te ek jun manuh para janaishe. Etu maiki para koishe ke, Thomas Sangma para toh shaty koriboli nam loikena besi paar tai oper te mesa kotha koikena raped korishe. Aro janaishe ke Thomas Sangma para tai laga ghor te nahoile Shillog hotel te tai ke raped kori ahishe aro tai ke 1st raped kora toh Shillong te ekta hotel te korishe. Tai para aro koishe ke, Thomas Sangma para police logot khobor nakoboli thamki mari thakishe aro mesa kotha te shaty koriboli koi thakishe. Etu manuh para koishe ke, “hoi ami tai logot affair thakishe, hoilebi ami najani ke tai kali ami oper te sex koriboli kam nemite shaty koriboli laga kotha koi thakishe,” koikena tai para FIR te janaishe. Etu manuh para FIR te aro koishe ke, NPP MLA Thomas Sangma para tai ke raped kora toh January 2020 saal para etu saal April 17 darik dak korishe. Etu samai, Northeast Now para Thomas Sangma logot khobor loboli nemite contact korishe hoilebi, tai logot contact powa nai koishe.
Add Comment