TNT News | Feb 13: Kolkata Police Commissioner Rajeev Kumar ke Shillong laga CBI pora chari kena Kolkata te wapas jabole dise, etu toh Saradha chit-fund scam logote mila laga case te Feb 13 te teen ghonta sawal koriya bicche te ase. Khobor pora koise ki etu Kolkata Police Chief pora CBI logot tai ke ‘break’ dibo karne lekhise, kile koile Supreme Court aro tweita senior officers pora tai logote khilaf petition file koriya ke February 18 laga aage te bhal jawab dibo karne dayari koribole.
Central Bureau of Investigation (CBI) pora Saturday te Kolkata Police Commissioner Rajeev Kumar ke Saradha chit fund logot mila case te sawal koriya shuru korise.
Kumar toh Kolkata pora Guwahati ponchi kena Shillong te Friday sam te punchise, etu toh Supreme Court, pora etu mamla Tuesday te huni kena, tai ke CBI probe toh neutral jakka te buhibo karne jabi koikena aadesh diya bicche ase.Tai logote teenjun West Bengal cadre IPS officers aro tai laga chotu bhai logote jaise, official pora koise. CBI aro Kolkata Police laga majote diktari ola bicche te, West Bengal Chief Minister Mamata Banerjee pora 45 ghonta laga opor buhi kena protest korise.
Add Comment