IANS| New Delhi, Feb 14: Meghalaya Chief Minister Conrad Sangma pora Wednesday te koise ki Citizenship (Amendment) Bill, 2016 toh Rajya Sabha te nadiya bicche tai laga party, National People’s Party (NPP), toh etiya tak BJP-led NDA laga partner ase.
“Hoi, moi khan etiya bi National Democratic Alliance (NDA) logote ase aro etu alliance pora olaibole laga ekko sawal nai,” Sangma pora journalists khan ke koise.
Etu NPP chief pora pohoila Bharatiya Janata Party (BJP) ke dhamki dise ki tai NDA logote rista bhangaibo juti government pora Citizenship Amendment Bill toh Rajya Sabha te dile.
“Tai khan (BJP) pora moikhan laga mon dukh bi bujiye … Moi khan pora sabha-sabhi koise aro fesla bi loise ke juti etu nisina samasiya olai le, moi khan thik samoy te political fesla lobo,” tai pora koise.
“Yate ekko politics nai. Moi khan sob yate Northeast laga manu khan karne hi ase. Moi khan ekki logote mili kena ahise, kile koile etu mamla toh ami khan sob nimite biya thakise. Moi besi khusi pai ase ki pura desh laga political parties khan, etu bill loikena moi khan pora mon jinta koriya bujiya nimite, kile koile etu bill toh khali Northeast ekla nahoikena pura desh nimite khatarnak thakise,” Sangma pora koise.
Add Comment