Agencies, 16 December: Thursday te government sources para CDS helicopter crash te tri service inquiry toh next tui hapta pithor te kothom hobole bhabona ase koise. Inquiry te Indian Air Force (IAF) officer aro desh laga chopper pilot Air Marshal Manvendra Singh para headed aro ekta ekta Brigadier-rank officer toh Indian Army aro Indian Navy para ase.
Sukhu para dekha khan laga statements toh inquiry team para record korise aro etu te hata jaga, Tamil Nadu’s Nilgiris district osor te thaka manu khan be melikena ase.
Inquiry teams para tai khan laga kaam toh hatsa howa din laga next din para suru kora thakise koise. Statements toh record korise aro ekta nahoile tuita cases te konbah manu khan para tai khan laga account hatsa te nemite putli korise koise.
Gen Bipin Rawat, tai laga maike Madhulika Rawat aro 12 tusara military officials toh Mi-17V5 helicopter te travel kori thakise aro etu heliptor toh Wellington te Defence Services Staff College te land nakora agae te crash howa thakise. Etu para sob passengers aro crew ke moraideya thakise December 8 te.
Add Comment