Dimapur, 16 December: Tenyimi Union Dimapur laga notun office complex nemite foundation stone toh Zhaleo Rio, IAS(Retd.), Advisor, Sericulture, Excise & Minority Affairs, Govt. of Nagaland, para Dec. 16, 2021 te TUD Complex Dimapur jaga te ola/unveiled thakise. Zhaleo para Tenyimi manu khan toh 46 sal agae Union bona samai para lamba samai ahha te note korise aro jama howa khan ke brotherhood ties toh morom aro ekta para hobole koise. Tai para 11 tribes majote he morom aro positive attitude share kora he nahoi kena ami khan osor-osor manu Dimapur aro Nagas te share koribole koise. Tai para Naga manu othabo aro prosperity nemite sob ke kaam koribole koise.
Nagas te negative feeling toh rhyme nahoile reason nathakikena bonabole tendency ase koikena tai para ami khan tusara tribes aro manu groups laga phal habits nahoile practices te lobo laki koise. Etu para society te phal impact hobole ase koise. Rio para tai notun office complex bona te motob debole koise aro tai para be sob Tenimi mau khan toh zamidari members hisab te tai khan laga dagot te motob debo laki koise. Manu khan para leaders ke support koribole koikena Rio para be manu majote understanding, cooperation aro unity toh kali phal nemite kaam laga ase koise. Tai para be agae te sob challenges te manikena agae shaijabole aro ami khan new year te jai thaka te eki logote dukh koribole koise.
Function te Vekhosayi Nyekha, TUD President para chaired thakise aro Zakie Terhüja, Associate Pastor, TBC Dimapur para Isor laga ashirbad nemite prathana korise. Aro Building Committee Report toh Tsathvü C. Thevüry, Convenor, Building Committee para tabled thakise. Rothihü Tetseo, IPS, Commissioner of Police, Dimapur and Razouvotuo Chatsu, President APO para jama kora khan logote kotha korise aro Neivi, President, TWUD para vote of thanks deshe aro Rev. Peuhau N. Hau, Pastor, Hindi Baptist Church Dimapur para benediction korise.
Add Comment